Það er komið að stórum degi í dagatali hvers jólabarns, fyrsti jólasveinninn kemur til byggða í kvöld. Ég verð samt að viðurkenna að þessi stóri dagur er búinn að valda mér óvenju miklu hugarangri í ár…
Vanalega eru helstu áhyggjurnar tengdar því hvaða skór á að fara út í glugga. Núna var ég að hugsa um að setja brúðarskó en svo fattaði ég að hann er með gati á tánni, Jóli gæti átt erfitt með að treysta götóttum skóm. Þá fór ég að hugsa um að setja háhælaða pæjuskó en fattaði svo að það er ekkert rosalega mikið pláss í þeim svo Jóli gæti þurft að minnka gjafirnar en það er alls ekki á stefnuskránni. Ég held að niðurstaðan verði að setja pæjustígvél, þau eru flott, með háum hæl, ekki götótt og það kemst nóg í þau.
Hitt sem er búið að valda mér töluvert meiri áhyggjum er það hvort Jólasveinninn viti ekki örugglega hvar ég á heima. Það gæti hins vegar verið einhverjum vandkvæðum bundið. Til að byrja með hef ég sennilega sett einhverskonar met í fjölda staða sem ég hef búið á síðustu ár. Í ofanálag bý ég náttúrulega ekki á Íslandi og það er spurning hvort íslensku Jólasveinarnir leggist í ferðalög út fyrir landsteinana. Þegar ég var alveg að verða komin með magasár yfir þessu um daginn þá var ég svo heppin að Magnús hitti Jóla á leiðinni heim úr skólanum og hann sagðist alveg vita hvar við ættum heima og að ég þyrfti engar áhyggjur að hafa 
Ég veit ekki hvað ég gerði án Magnúsar 
Annars reyndi ég að útskýra íslenska Jólasveina-systemið fyrir Shasha, íranska vini mínum, í gær og það gekk bara alls ekki nógu vel. Hann botnaði bara ekkert í því af hverju við hefðum 13 jólasveina sem í ofanálag væru hrekkjóttir og þjófóttir. Svo varð þetta ennþá fyndnara því franska nafnið á jólasveini er “Faðir jólanna” sem á ekkert sérlega vel við 13 ótínda glæpamenn.
En það er víst best að fara að koma sér í bólið svo ég fái örugglega eitthvað í nótt…
Related posts:
- Next up: Croatia Það er ekki hægt að segja annað en að “strákarnir...
- Heimsókn og frönskupróf Jæja, þegar kvartanir eru farnar að berast í commentakerfinu um...
Fékkstu í skóinn???
Jamms, smá jólaskraut og mandarínu
Þetta var reyndar einum degi of fljótt en Jóli er svo góður að hann hefur skilning á vankunnáttu tveggja verðandi verkfræðinga í stærðfræði.
Híhí, einmitt, enda hvorugt ykkar búið að læra nokkuð í stærðfræði, ekki hægt að búast við öðru
Mer fannst thetta lika frekar snemmt, en thordi ekkert ad segja thar sem eg efadist um mina staerdfraedikunnattu.
Ég var viss um að franski jólasveinninn kæmi til byggða 14 dögum fyrir jól…. þið hefðuð svo léttilega getað logið ykkur út úr þessu;)
Knús í kotið frá Mávahlíðargenginu