Jæja loksins er hann gríslingur okkar kominn í heiminn og hefur fengið nafnið Guðmundur Elí. Fyrstu dagarnir eru búnir að vera alveg frábærir og svífa foreldrarnir um á bleiku skýi. Eins og sést á myndunum var mikið vandað til verksins og er afraksturinn eitt það myndarlegasta barn sem fæðst hefur.
Fæðingin gekk nokkuð vel fyrir sig. Við vorum komin upp á fæðingarheimili klukkan 2 aðfaranótt mánudags og Guðmundur Elí kom í heiminn klukkan 12:50. Hann mældist 51,5 cm og vó 3900 g. Mæðginin þurfa að vera á fæðingarheimili í nokkra daga, en það er venjan hér í Frakklandi. Þau fá væntanlega að koma heim á föstudag eða laugardag. Það er svolítið erfitt fyrir pabbann að þurfa að yfirgefa þau á hverjum degi, en það verður þá bara þeim mun betra að fá þau heim aftur.
Þakka ykkur kærlega fyrir allar kveðjurnar. Það eru komnar einhverjar nýjar myndir inn á myndasíðuna sem við eigum reyndar eftir að fara betur í gegnum og taka út þær sem ekki eru í fókus og svona. Svo eru hér að neðan myndskeið frá því að prinsinn fékk fyrsta baðið sitt í dag, en hann var ekki alveg sáttur við það eins og sjá má.
Related posts:
- Fréttir Jæja þá, ætli það sé ekki best að fara að...
- Meðmæli: Perpetuum Jazzile Rakst á þetta Vídjó hjá einum fésbókarvini mínum. Þetta er...
- Gríslingur Þar sem það er laugardagur í dag ákvað ég að...
- Er ekki kominn tími á smá blogg ? Jæja, ég geri fastlega ráð fyrir að okkar dyggu lesendur...
- Ný video af GEM Ég er búinn að vera nokkuð duglegur að skella vídjóum...
Hann er meira krúttið þessi elska
hlakka til að hitta piltinn þegar þið komið í ágúst 
)
En gaman að sjá svona video!
Ótrúlega sætur, nauðsynlegt að láta aðeins heyra í sér. Þannig að Jóhanna greyið þarf að hanga á fæðingarheimilinu jafn lengi og ég var á spítalanum – það er sko alls ekkert stuð, veit að hún er lík mér með það að nenna ekki að vera einhver sjúklingur. 
Magnús minn, þú sendir bestu kveðjur til þeirra beggja, við hlökkum ótrúlega til að hitta ykkur á Íslandi. 
Ji hvað maður er sætastur, hlakka svo til að fá að sjá ykkur í sumar . He he þið eruð alveg eins feðgarnir, knús og kossar til ykkar