Síðustu dagar eru búnir að vera nokkuð góðir hjá okkur hérna í Prakkaralandinu. Fréttin af nýju frænkunni heima á Íslandi spilar þar verulega inn í þó svo að betra væri nú að geta verið heima og hitt prinsessuna og nýbökuðu foreldrana.
Á mánudaginn fengum við símtal frá Evu “systur” í Köln. Toni hennar þurfti að skreppa yfir til Parísar og hún ákvað að drífa sig og Alexander Breka með. Þau komu til okkar á mánudagskvöldið og fóru aftur til Kölnar í gær. Það var rosalega gaman að fá þau ekki síst fyrir Guðmund Elí sem fékk að leika sér við Alexander Breka vin sinn, sem er nokkurn veginn á sama aldri og Guðmundur Elí ( 11 dögum eldri). Settum inn nokkrar myndir af þeim félögunum í Janúar möppuna á myndasíðunni.
Í gær komu svo fréttir sem við erum búin að bíða eftir nokkuð lengi. Jóhanna fékk símtal frá Renault og er búið að ganga frá því að hún vinnur lokaverkefnið sitt í Logistique deildinni hjá þeim. Hún byrjar 15. febrúar og verður að lágmarki í 25 vikur, eða ca. fram til 9. ágúst.
Nú vantar bara að heimilisfaðirinn fari að ákveða hvað hann ætlar að verða þegar hann verður stór til að líf okkar allra verði komið í fastar skorður. Ef þiði hafið hugmyndir um verkefni eða vinnu handa mér þá endilega látiði mig vita í commentakerfinu.
Related posts:
- Heimsókn og frönskupróf Jæja, þegar kvartanir eru farnar að berast í commentakerfinu um...
- Er ekki kominn tími á smá blogg ? Jæja, ég geri fastlega ráð fyrir að okkar dyggu lesendur...
- Þá hefur litla fjölskyldan stækkað um helming Jæja loksins er hann gríslingur okkar kominn í heiminn og...
- Afmæli og Þýskalandsferð Síðustu dagar eru aldeilis búnir að vera viðburðaríkir hjá okkur...
- Jólamarkaður Í gær ákváðum við að skella okkur á fyrsta dag...
Frábært, til hamingju með verkefnið
Jibbí Jóhanna mín, til hamingju með verkefnið!! Vissi að þetta tækist alveg hjá þér, þyrftir ekkert að stofna fyrirtæki!
Ertu þá bara föst og frílaus fram í ágúst, eða getið þið komið eitthvað í heimsókn til okkar?