Ég er búinn að vera nokkuð duglegur að skella vídjóum af frumburðinum inn á facebook upp á síðkastið. Skelli þeim hér að neðan fyrir þau örfáu prósent þjóðarinnar sem eru ekki á facebook.
Guðmundur Elí að labba í Parc de Sceaux:
Guðmundur Elí gengur um gólf og talar í síman:
GEM í fótbolta í parc de sceaux:
Mér sýnist strákurinn strax vera orðinn betri í fótbolta en pabbi hans var nokkurn tíman 
Við Kristinn bróðir höfum í gegnum tíðina ekki verið þekktir fyrir að hafa stórt hjarta þegar kemur að skorkvikindum. Sérstaklega ef að þessar skeppnur fljúga og eru í skagalitunum, þá höfum við átt það til að kveina eins og smástelpur og hlaupa eins og fætur toga. Þið getið því rétt ímyndað ykkur hvernig okkur varð við um daginn,þegar þetta kvikindi datt inn um gluggann hjá okkur.”
<a href="http://magnus.einarsson.is/files/2010/07/IMG_3723-800×600.jpg" rel="shadowbox[Bjöllukvikindi]"<a href="http://magnus.einarsson.is/files/2010/07/IMG_3721-800×600.jpg" rel="shadowbox[Bjöllukvikindi]"
Eldri bróðirinn þurfti heldur betur að bíta í tunguna á sér og taka á honum stóra sínum þegar hann setti sig í bráða lífshættu við að bregða glasinu yfir þessa skeppnu.
Eftir að hafa ráðfært okkur við skordýrafræðingana í fjölskyldunni, Jónatan bróðir og Hauk Sindra, þá komumst við að þeirri niðurstöðu að þetta er með stærstu skorkvikindum sem finnast og heitir hún stag beetle. Hún dregur nafn sitt af þessum hrikalegu bitörmum, sem þykja minna á horn hjartardýra.
Hér má lesa um þenna hroðbjóð á wikipedia
Alltaf endar það með því að mánuðir líði á milli bloggfærslna hjá okkur. Hins vegar er alveg nóg að frétta.
Síðustu mánuðir hafa verið heldur betur viðburðaríkir. Margir komið í heimsókn og erum við nánast búin að vera með gesti samfleytt síðan uppúr miðjum apríl! Ein heimsókn stóð samt klárlega uppúr hjá okkur, en það var þegar Kristinn bróðir og Salóme komu með Kötlu Guðrúnu sína, en við höfðum aldrei hitt hana síðan hún fæddist í byrjun febrúar. En það var líka gaman að fá hina gestina, Gumma, Sóley, Unni og Halldór, Andra, Berglindi Höllu, Jón Elí og Erlu og síðast en ekki síst Evu systur og fjölskyldu.
Jóhanna er á kafi ennþá í vinnu þó að loksins sé farið að sjá fyrir endan á þessu hjá henni. Hún vinnur hjá Renault út júlí og á svo að verja lokaverkefnið sitt í skólanum 26. ágúst.
Ég er búinn að eyða síðustu mánuðum í að sækja um hina ýmsustu skóla og var á endanum samþykktur inn í nám m.a. í Lyon, France og Cannes. Við erum búin að ákveða að flytja til Lyon í næsta mánuði þar sem ég byrja í MBA námi í EMLYON 30. ágúst. Það er því í nógu að snúast að undirbúa flutninga, finna íbúð í Lyon og fyrir verkfræðinginn að finna sér vinnu.
Það er frá mörgu öðru að segja, en ég vil ekki skella því öllu í eina langloku-færslu ef að ég skyldi nenna að blogga eitthvað meira næstu daga.
Jæja þá er komið að appelsínugulri spurningu.
Spurt er um körfuboltamann. Körfuboltamaður þessi er uppruninn frá Kongó og kom upphaflega til Bandaríkjanna til að verða læknir og fékk til þess styrk. Þegar hann kom í háskólann var körfuboltaþjálfarinn ekki lengi að kippa honum á æfingu, enda er maðurinn 2,18 m að hæð. Með háskólaliðinu sló hann öll háskólamet í sinni sérgrein innan körfuboltans og varð valdur að góðu gengi háskólaliðsins ásamt félaga sínum Alonzo Mourning. Seinna sló hann hinum merka Kareem Abdul-Jabbar ref fyrir rass, þegar hann varð sá annar besti í sögunni í þessarri sérgrein sinni frá upphafi NBA deildarinnar.
Maður þessi talaði nánast enga ensku þegar hann kom til Bandaríkjanna, en talar nú 9 tungumál, þar á meðal ensku frönsku spænsku og portúgölsku.
Körfuboltamaður þessi hefur í seinni tíð lagt mikið upp úr hjálparstarfi og er meðal annars til spítali sem nefndur er eftir honum. Sérstaklega hefur hann verið öflugur í hjálparstarfi í heimalandi sínu, Kongó.
Þegar hann hætti leik í NBA, var hann elsti spilandi maður í deildinni.
Hvað heitir þessi maður fullu nafni og með hvaða liði hóf hann feril sinn í NBA deildinni ?
Betra er seint…
Að þessu sinni er spurningin græn. Spurt er um dýrategund.
Dýrategund þessi er ein fárrra í náttúrunni, þar sem karlpeningurinn sér um meðgönguna. Kvendýrið verpir eggjum í sekk á kviði karldýrsins, þar sem karldýrið frjóvgar eggin. Um leið og eggin klekjast, hefja afkvæmin lífsbaráttu sína án nokkurrar verndar foreldra sinna. Dýr þessi, geta verið frá 4 cm og upp í 30 cm.
Hver er dýrategundin ?
Þá er komið að föstudagsgetrauninni. Í þetta skiptið er spurningin brún, bókmenntir og listir. Húsfrúin er sterkari á því sviði en bóndinn og er hún því spurningahöfundur að þessu sinni.
Spurt er um skjaldböku !
Hvað heitir skjaldbakan sem ber á baki sér fílana fjóra, sem aftur bera á baki sér heiminn ?
Þó ég hafi ekki verið duglegur að blogga undanfarið, klikka ég ekki á föstudagsgetrauninni. Næst er það gulur, eða saga. Saga er ekki mín sterkasta hlið og litast gulu spurningarnar kannski af því.
En spurt er um sveitarfélag.
Vorið 1903 rær fyrsti vélbáturinn á Íslandi, Stanley, til fiskjar frá sveitarfélaginu. Sama haust verður sveitarfélagið löggiltur verslunarstaður. Árið 1907 stofna 22 menn ungmannafélag á staðnum. Sparisjóður kenndur við staðinn er svo stofnaður í maí árið 1908 með 17 ábyrgðarmönnum.
Hvert er sveitarfélagið og hvenær fékk það kaupstaðarréttindi ?
Vegna veikinda á ritstjórninni duttu niður nokkrir fastir bloggliðir í vikunni. Vonandi verður ástandið betra í næstu viku. Ég skelli samt hérna inn einum meðmælum.
Við höldum okkur við tónlistarþemað og verðum áfram í A capella sönghópum. Hérna er einn góður sönghópur sem reynir við Michael Jackson slagarann Thriller.
[youtube]Shdnv1GYClA[/youtube]
Jæja þá er komið að föstudagsgetrauninni. Nú er það bleik spurning.
Spurt er um bílnúmer. Bílnúmerið kemur fram í íslenskri kvikmynd. Í atriðinu sem bílnúmerið kemur fram, hefur orðsendingu verið komið til skila með frekar óhefðbundnum hætti.
Þetta bílnúmer, var líka nafn á hljómsveit sem Guffi frændi var í.
Hvert er bílnúmerið ?
(Guffi þú leyfir kannski nokkrum að svara vitlaust áður en þú kemur með rétt svar 
)
Jæja svar við fyrstu föstudagsgetrauninni kom óvenju fljótt. Hildur og Guðni voru með þetta, svarið er Le mont Saint Michel sem er í Normandy.
Þegar ég flutti til Frakklands, í september 2008, þá bjó Jóhanna í Brest á Bretagne skaganum og var ég þar með henni síðustu vikuna. Þar myndi ég ekki vilja búa þó ég fengi borgað fyrir það. Bærinn eyðilagðist allur í seinna stríðinu og byggðu kanarnir hann svo upp upp á nýtt. Öll hús eru ljót og kassalaga og veðurfarið er frekar leiðinlegt. Alltaf rok og rigning.
En þegar við fórum frá Brest, fluttum við til Angers, sem var öllu skárri, en Angers er gamall og fallegur kastalabær. Þegar við fluttum, þá leigðum við bílaleigubíl og keyrðum meðfram Norðurströnd Bretagne skagans og heimsóttum meðal annars Mt. Saint Michel, sem er að ég held einn flottasti ferðamannastaður sem ég hef komið á.
Þegar við vorum á leiðinni að fjallinu, þá keyrðum við í gegnum marga franska smábæi, meðal annars Saint Malo sem er gífurlega fallegur bær. Í Saint Malo hafa einhver íslensk skip verið smíðuð, meðal annars Dagrúnin, sem E.G. gerði út, held ég alveg örugglega.
Á þessu ferðalagi okkar rákumst við líka á þetta skilti, sem varð til þess að ég snarhemlaði og sneri við.
Við mælum hiklaust með því að skreppa til Frakklands og taka rúnt um þetta svæði. Mont Saint Michel er hið minnsta klárlega þess virði.
